Meneja mpya wa klabu ya Chelsea, Antonio Conte anapigania kumbakisha
kiungo mshambuliaji kutoka nchini Ubelgiji, Eden Hazard ambaye yu njiani
kuondoka klabuni hapo na kwenda kusaka mahala pengine pa kucheza soka
lake kuanza msimu wa 2016-17.
Hazard, amekua akihusishwa na mipango ya kutaka kujiunga na mabingwa
wa soka nchini Ufaransa PSG pamoja na klabu ya Real Madrid ya nchini
Hispania kutokana na klabu yake ya Chelsea kukosa nafasi ya kushiriki
michuano ya ligi ya mabingwa barani Ulaya msimu ujao.
Gazeti la L’Equipe la nchini Ufaransa limeripoti kwamba, Conte amekua
akihaha kumbebeleza kiungo huyo, ili abakie Stamford Bridge kwa
kisingizio cha kumuhitaji kwenye mipango yake ya kuirejeshea heshima The
Blues.
Hata hivyo bado haijafahamika nini mustakabali wa mazungumzo ya
wawili hao, japo fununu za Hazard za kutaka kuondoka zinaendelea kupewa
nafasi kubwa katika baadhi ya vyombo vya habari vya nchini England,
Ufaransa pamoja na Hispania.
Hazard hakuonyesha kiwango kizuri cha soka kwa msimu huu na mara kwa
mara alikua akishindwa kujihakikishia nafasi ya kucheza katika kikosi
cha kwanza, tangu alipowasili meneja wa muda Guus Hiddink.
0 comments:
Post a Comment